“QARADAĞ” “QRODNEÇANKA”NI MƏĞLUB ETDİ
AZƏRTAC xəbər verir ki, sentyabrın 16-da ABU Arenada “Qaradağ” həndbol klubu qadınlar arasında Avropa Həndbol Federasiyasının Kuboku uğrunda yarışların birinci mərhələsində Belarusun “Qrodneçanka” (Qrodnı) komandasına qalib gəlmişdir.
Gərgin keçən görüşün birinci hissəsi 13:13 hesabı ilə başa çatmışdır. İkinci hissədə daha üstün oyun nümayiş etdirən “Qaradağ” rəqibini 28:26 hesabı ilə məğlub etmişdir.
Cavab görüşü sentyabrın 23-də Qrodnıda keçiriləcəkdir. İkinci mərhələyə vəsiqə qazanacaq komandalardan biri oktyabrda Macarıstanın “Kiskunalas” klubu ilə qarşılaşacaqdır.
Bölmənin digər xəbərləri
