“QARADAĞ REZİN QARIŞIĞI” AÇIQ SƏHMDAR CƏMİYYƏTİ ÜZRƏ SƏRMAYƏ MÜSABİQƏSİNİN QALİBİ MÜƏYYƏN EDİLMİŞDİR
İqtisadi inkişaf Nazirliyinin mətbuat xidmətindən AZƏRTAC- a bildirmişlər ki, həmin şirkət müsabiqənin şərtlərinə uyğun olaraq alqı –satqı müqaviləsi imzalandığı vaxtdan sonrakı bir ay müddətində dövlət büdcəsinə 2 milyard 400 milyon manat ödəmiş, Dövlət əmlakının idarə olunması və özəlləşdirilməsi departamentinə 100 min ədəd özəlləşdirmə çeki təqdim etmişdir.
Müsabiqə şərtlərinə uyğun olaraq şirkət təqdim etdiyi sərmayə Proqramında qeyd olunan ilkin işlərin həyata keçirilməsi üçün “Qaradağ Rezin Qarışığı” ASC-nin hesablaşma hesabına 2 milyard 800 milyon manat məbləğində pul vəsaiti köçürəcəkdir.
“Xəzər Menecment Sistems” Məhdud Məsuliyyətli Şirkəti alqı–satqı müqaviləsi ilə müəyyən ediləcək digər şərtləri və Sərmayə Proqramında nəzərdə tutulmuş 56 milyard manat məbləğində sərmayənin 24 ay ərzində 4 mərhələdə qoyuluşuna dair öhdəliyi də yerinə yetirəcəkdir. Bu sərmayələrin şüşə istehsalının təşkili üçün yenidən layihələndirmə işlərinə, mövcud bina və qurğuların müayinəsinə və bərpasına, mühəndis kommunikasiyalarının müayinəsi və yenilərinin qurulmasına, gərəksiz texnoloji avadanlığın sökülməsinə, müasir avadanlıq və texnologiyaların tətbiqinə, sazlama və sosial yönümlü işlərə, treninqlərin təşkilinə, xammal alınmasına yönəldiləcəkdir.
Layihə başa çatdıqda müasir tələblərə cavab verən şüşə tara istehsalı müəssisəsi fəaliyyətə başlayacaqdır. Müəssisədə 110 nəfər üçün iş yerləri açılacaqdır.
Bölmənin digər xəbərləri
