Qarın Füzuli rayonuna vurduğu fəsadlar aradan qaldırılır
Füzuli, 6 mart (AZƏRTAC). Martın 4-dən 5-nə keçən gecə yağan qar Füzuli rayonunun yaşayış məntəqələrinə ziyan vurmuşdur.
Rayon fövqəladə hallar komissiyasının sədri Bağır Aslanovun AZƏRTAC-a verdiyi məlumata görə güclü qar yağması nəticəsində rayonun elektrik təsərrüfatına ciddi ziyan dəymişdir. Elektrik dirəkləri aşmış, elektrik xətləri, 6 transformator sıradan çıxmış, rayon ərazisində elektrik enerjisi kəsilmişdir.
Təbii fəlakətin törətdiyi fəsadların aradan qaldırılması istiqamətində aparılan işlər nəticəsində 16 qəsəbə və 10 kəndə elektrik enerjisinin verilişi bərpa olunmuşdur. Rayonun 9 kəndində bu istiqamətdə işlər davam etdirilir.
Bölmənin digər xəbərləri
