QAZAX RAYON SAKİNİNDƏN BEŞ KİLOQRAMA YAXIN MARİXUANA GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Binəqədi Rayon Polis İdarəsinin 4-cü bölməsi əməkdaşlarının keçirdikləri əməliyyat tədbirləri nəticəsində Qazax rayon sakini Aqif Mustafayevdən 4 kiloqram 535 qram marixuana götürülmüşdür.
Nəsimi Rayon Polis İdarəsi 21-ci bölməsinin əməkdaşları Bəybala Xalıqovdan 0,524 qram, Gəncə Şəhər Polis İdarəsinin əməkdaşları şəhər sakini Ramiq Məlikovdan 0,207 qram heroin, Salyan Rayon Polis Şöbəsinin əməkdaşları rayon sakini Asif Gülməmmədovdan 1,342 qram tiryək və 6 ədəd “Diazepam” həbləri, Ziyafət Kərimovdan 0,285 qram heroin müsadirə etmişlər.
Astara Rayon Polis Şöbəsi əməkdaşlarının keçirdikləri əməliyyat tədbirləri nəticəsində Ərçivan kənd sakini Akif Kərimov 1,067 qram heroini satarkən tutulmuşdur.
Faktlarla bağlı cinayət işi açılmışdır, araşdırmalar aparılır.
Zaqatala Rayon Polis Şöbəsinin əməkdaşları tərəfindən Faldarlı kəndindən yabanı halda bitmiş, çəkisi 2 ton 980 kiloqram olan 4700 ədəd, Astara Rayon Polis Şöbəsinin əməkdaşları tərəfindən Maşxan kəndindən çəkisi 673 kiloqram olan 418 ədəd çətənə, Sabirabad Rayon Polis Şöbəsinin işçiləri Qasımbəyli kəndindən çəkisi 690 kiloqram olan 743 ədəd xaşxaş, Yardımlı Rayon Polis Şöbəsinin, Milli Təhlükəsizlik Nazirliyinin rayon şöbəsi və Dövlət Sərhəd Xidmətinin əməkdaşları tərəfindən Arvana kəndindən çəkisi 2 ton 800 kiloqram olan 4750 ədəd xaşxaş kolu yığılaraq məhv edilmişdir.
Bölmənin digər xəbərləri
