Qazaxıstan 8 milyon tona qədər taxıl və un ixrac etməyi planlaşdırır
Nur-Sultan, 25 avqust, AZƏRTAC
Qazaxıstan taxıl ixracının həcmini qorumağı planlaşdırır.
AZƏRTAC xəbər verir ki, bu barədə Kənd Təsərrüfatı naziri Saparhan Ömərov hökumət iclasında məlumat verib. Onun sözlərinə görə, ixrac potensialı un daxil olmaqla təxminən 7,5-8 milyon ton təşkil edəcək. Nazirin sözlərinə görə, əsas vəzifələrdən biri ənənəvi bazarlarda mövqeləri qorumaq olacaq.
Qeyd edək ki, bu il ölkədə 18 milyon ton məhsul toplanıb. Bunlardan 3,5 milyon tonu ərzaq məqsədilə, 4,2 milyon tonu yem üçün, 2,1 milyon tonu toxum və 700 min tonu sənaye emalı üçün ayrılacaq.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
