Qazaxıstan ilin sonuna qədər 14 yeni təyyarə alacaq
Bakı, 19 fevral, AZƏRTAC
Qazaxıstan ilin sonuna qədər 14 yeni təyyarə alacaq.
AZƏRTAC xəbər verir ki, bu barədə Kazinform agentliyi məlumat yayıb. Bildirilib ki, Qazaxıstanın hava donanması hazırda 104 təyyarədən ibarətdir.
Ölkənin nəqliyyat nazirinin müavini Talqat Lastayev qeyd edib ki, altı aviaşirkət “Air Astana”, “FlyArystan”, “SCAT”, “Qazaq Air”, “Southern Sky” və “Jetysu” Qazaxıstanda 56 marşruta xidmət göstərən daxili aviareysləri təmin edir. Onun sözlərinə görə, hava nəqliyyatının keyfiyyətinin yaxşılaşdırılması və gecikmələrin azaldılmasında əsas amil aviaparkın davamlı olaraq yenilənməsi və genişləndirilməsidir. Qazaxıstan aviaşirkətləri hər il 10-dan 15-ə qədər yeni müasir təyyarə alır.
Bölmənin digər xəbərləri
