Qazaxıstan nefti Ceyhan limanında Rumıniyaya daşınmaq üçün tankerə yüklənir
Bakı, 25 aprel, AZƏRTAC
Rumıniyanın Konstansa limanına daşınaraq “Petromidia” neft emalı zavoduna boşaldılacaq Qazaxıstan neftinin Ceyhan limanında tankerə yüklənilməsi prosesinə başlanılıb.
AZƏRTAC Kazinform agentliyinə istinadla xəbər verir ki, 80 min ton neftdən ibarət ilk partiya Qazaxıstanın “Kazmortransflot” kompaniyasına məxsus “ALATAU” tankeri vasitəsilə daşınacaq.
Ötən ilin sonlarında illik 1,5 milyon ton Qazaxıstan neftinin Aktau-Bakı-Ceyhan marşrutu ilə nəqli üzrə SOCAR və “KazMunayQaz” kompaniyaları arasında beşillik saziş imzalanıb. Cari ilin mart ayında Qazaxıstan neftinin Aktau-Bakı istiqaməti ilə daşınmasına başlanılıb. Aprelin 20-nə qədər Aktau limanından Bakıya 86 min ton neft daşınıb.
Bölmənin digər xəbərləri
