Qazaxıstan yeni magistral qaz kəmərinin tikintisinə dair Rusiya ilə sənəd imzalayıb
Astana, 9 oktyabr, AZƏRTAC
Moskva və Astana 14-cü Sankt-Peterburq Beynəlxalq Qaz Forumunda Rusiyadan Qazaxıstana yeni qaz kəmərinin tikintisinə dair memorandum imzalayıb.
AZƏRTAC Qazaxıstan mediasına istinadla xəbər verir ki, tədbir çərçivəsində sənədi Qazaxıstan Baş nazirinin birinci müavini Roman Sklyar, Rusiya tərəfdən isə “Qazprom”un İdarə Heyətinin sədri Aleksey Miller imzalayıblar.
Bundan əlavə, tərəflər Qazaxıstan qazının Rusiya ərazisində uzunmüddətli emalının əsas şərtləri haqqında saziş imzalayıblar.
“Sənəd modernləşdiriləcək Orenburq Qaz Emalı Zavodunda Qaraçaqanak yatağından hasil edilən qazın emalı üzrə əməkdaşlıq müqavilələrinə əlavədir”, -deyə məlumatda deyilir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
