Qazaxıstanda koronavirusa yoluxma may ayında pik həddə çata bilər
Nur-Sultan, 20 aprel, AZƏRTAC
Qazaxıstanda koronavirus infeksiyasına yoluxmanın pik həddi may ayının ortalarında olacaq.
AZƏRTAC xəbər verir ki, bu barədə səhiyyə naziri Aleksey Tsoy açıqlama verib.
Səhiyyə Nazirliyinin proqnozlarına görə, Qazaxıstanda gündə 4 minə qədər koronavirusa yoluxma hadisəsinin qeydə alınması gözlənilir.
Qazaxıstan 22 gündür bölgələrdə epidemioloji vəziyyətin qiymətləndirilmə cədvəlinə görə "qırmızı" zonadadır. Yalnız Türküstan və Kostanay bölgələri "yaşıl" zonadadır.
Qeyd edək ki, ümumilikdə, ölkədə 292 250 COVID-19 halı təsdiqlənib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
