Qazaxıstanda yaşayış binasında baş vermiş yanğın nəticəsində iki uşaq ölüb
Bakı, 9 yanvar, AZƏRTAC
Qazaxıstanın Karaqanda şəhərində yaşayış binasında baş vermiş yanğın nəticəsində iki uşaq ölüb, daha bir qadın isə yaralanıb.
AZƏRTAC Kazinform agentliyinə istinadla xəbər verir ki, yanğın gecə saatlarında başlayıb. Alov mənzilin tavanını və məişət əşyalarını bürüyüb.
Əlli kvadratmetr sahəni əhatə edən yanğın tam söndürülüb.
Hadisə ilə bağlı cinayət işi açılıb və bildirilib ki, yanğının baş verməsinin ilkin səbəbi qısaqapanmadır.
Bölmənin digər xəbərləri
