Qazaxıstanlı gimnastlar: Azərbaycanda bizi hər zaman mehribanlıqla qarşılayırlar
Bakı, 14 mart, AZƏRTAC
Azərbaycanda bizi həmişə mehribanlıqla və qonaqpərvər qarşılayırlar.
Bunu AZƏRTAC-a müsahibəsində Bakıda keçirilən akrobatika gimnastikası üzrə 28-ci dünya çempionatının kişi cütlüyü yarışında qızıl medal qazanan qazaxıstanlı idmançılar Vadim Şulyar və Daniel Dil deyiblər.
“Çempionatdan təəssüratlar unudulmazdır, emosiyalar çoxdur, xüsusən də qızıl medal qazandıqdan sonra çox xoşbəxtik. Biz inadla bu mükafata doğru getdik, məşq etdik, hazırlaşdıq və indi bu gözəl nəticəyə nail olduq. Bütün iştirakçılar layiqli rəqibdirlər, ona görə də rəqabət güclü idi”, - deyə Vadim Şulyar və Daniel Dil əlavə ediblər.
Gimnastlar bildiriblər ki, Bakıda beynəlxalq yarışların təşkili həmişə yüksək səviyyədə olur. Bakıda dünya kuboku yarışında da iştirak etmişik. Bakıda təşkil olunan yarışlardan həmişə müsbət təəssüratlar olur”, - deyə gimnastlar qeyd ediblər.
Qeyd edək ki, qazaxıstanlı gimnastlar dünya çempionatında balans hərəkətində qızıl, temp və qarışıq hərəkətlərdə isə gümüş medal qazanıblar.
Bölmənin digər xəbərləri
