“QAZELLİ” ŞİRKƏTİNƏ BEYNƏLXALQ KEYFİYYƏT SERTİFİKATI TƏQDİM EDİLMİŞDİR
Sertifikatın təqdimatı münasibətilə “Qazelli “ Evində təntənəli mərasim olmuşdur. Mərasimi Azərbaycan Respublikası Standartlaşdırma, Metrologiya və Patent üzrə Dövlət Agentliyinin baş direktoru Xalidə Məsimova açaraq demişdir ki, bir ildən artıqdır Türkiyənin Standartlar İnstitutu ilə birlikdə burada keyfiyyət sisteminin qurulması ilə bağlı tədbirlər həyata keçirilmişdir. Görülən işlərin nəticəsi olaraq, bu gün “Qazelli “ şirkətinə Türkiyə Standartları İnstitutunun keyfiyyət sertifikatı təqdim edilir. Şirkətin məhsulları artıq dünyanın bir çox laboratoriyalarında analizdən keçirilmiş və yüksək qiymətləndirilmişdir. Biz fəxr edirik ki, dünyada tanınan kosmetik vasitələrin bir qismi də məhz Azərbaycanda, bu şirkətin müəssisəsində istehsal olunur.
Türkiyə Standartları İnstitutunun direktoru Kənan Malatiyalı şirkətin əldə etdiyi uğurlardan danışaraq İSO- 9000 standartı sertifikatının diplomunu və bayrağını, “Sultan Bəyazid” xatirə medalını şirkətin prezidenti Zərifə Həmzəyevaya təqdim etmiş və kollektivə yeni uğurlar arzulamışdır.
“Qazelli” şirkətinin prezidenti Zərifə Həmzəyeva bu mükafata görə Türkiyə Standartları İnsititutuna və mərasimdə iştirak edən bir sıra xarici ölkələrin nümayəndələrinə təşəkkürünü bildirmişdir.
Bölmənin digər xəbərləri
