“Qəbələ” klubu Antalyada yoxlama oyununda Çexiyanın “Bohemians” komandasına məğlub olub
Bakı, 24 yanvar, AZƏRTAC
Mövsümün ikinci yarısına Antalyada hazırlaşan “Qəbələ” klubu bu gün yoxlama oyununda gücünü sınayıb.
AZƏRTAC xəbər verir ki, təmsilçimiz Çexiyanın “Bohemians” klubu ilə üz-üzə gəlib.
Bu, baş məşqçi Elmar Baxşıyevin qardaş ölkədə üçüncü sınağı olub. Bunadək Polşanın “Zaqlembe” (1:2) və Şimali Makedoniyanın “Boreç” (1:0) komandaları ilə görüşən “Qəbələ” sonuncu oyununda da məğlubiyyətə üzülüb. Çexiya komandası 3:1 hesabı ilə qalib gəlib.
Qeyd edək ki, bu matçla toplanışı başa vuracaq “Qəbələ” sabah Vətənə qayıdacaq.
Bölmənin digər xəbərləri
