“Qəbələ” komandası Gürcüstan klubunun qapısından dörd cavabsız top keçirib
Bakı, 23 iyun, AZƏRTAC
Gürcüstanda təlim-məşq toplanışında olan “Qəbələ” futbol klubu hazırlıq çərçivəsində ikinci yoxlama oyununu keçirib.
AZƏRTAC xəbər verir ki, ilk yoxlama oyununda yerli “Dila” komandasını 2:0 hesabı ilə məğlub edən “Qəbələ” Bolnisinin “Sioni” klubu ilə üz-üzə gəlib. Gürcüstan kubokunun finalçısı ilə qarşılaşmadan Roman Qriqorçukun yetirmələri 4:0 hesablı qələbə ilə ayrılıblar.
“Qəbələ”nin heyətində Filip Ozobiç, Teo Uiks, Rəşad Sadiqov və Ehtiram Şahverdiyev fərqləniblər.
Komandamız təlim-məşq toplanışında sonuncu oyununu iyunun 26-da keçirəcək və bu dəfə də rəqib “Sioni” olacaq.
Bölmənin digər xəbərləri
