Qəhrəman Vətən oğullarının xatirəsi əbədi yaşayacaqdır
Bakı, 20 yanvar (AZƏRTAC). 1990-cı il yanvarın 19-dan 20-nə keçən gecə sovet imperiyasının ordusu Azərbaycanda qanlı hadisələr törətmiş, azadlıq, müstəqillik arzusu ilə ayağa qalxmış insanları qətlə yetirmişdir. Mən bu hadisələrin şahidi olmuşam. Hər il Şəhidlər xiyabanına gəlib faciə qurbanlarının əziz xatirəsini yad etməyi özünə borc bilirəm.
Bu sözləri yanvarın 20-də Şəhidlər xiyabanına gələn Azərbaycan Həmkarlar İttifaqları Konfederasiyasının əməkdaşı Ağalar Hacıyev AZƏRTAC-a müsahibəsində söyləmişdir.
A.Hacıyev demişdir ki, iyirmi dörd il bundan əvvəl Bakıda törədilən qırğın Azərbaycan xalqının milli azadlıq mübarizəsini boğmaq məqsədi daşısa da, bu qanlı hadisə xalqımızın müstəqillik əzmini, azadlıq mübarizəsini qıra bilmədi. Xalqımız 20 Yanvar faciəsi ilə müstəqillik uğrunda mübarizədə vahid məfkurə ətrafında birləşmiş və böyük əzmkarlıq nümayiş etdirmişdir. 20 Yanvar faciəsi Azərbaycan xalqının qəhrəmanlıq salnaməsidir.
Bölmənin digər xəbərləri
