QƏTƏR MƏHKƏMƏSİ RUSİYALILARIN VƏKİLLƏRİNİN APELLYASİYASINI RƏDD ETMİŞDİR

29.07.2004 [17:38]
Çap et
A⁺ A^-

AZƏRTAC xəbər verir ki, Bi-Bi-Si-nin yaydığı məlumata görə, Qətər məhkəməsi Çeçenistan Respublikasının sabiq prezidenti Zəlimxan Yandarbiyevin Dauhədə qətlə yetirilməsi ilə əlaqədar ömürlük həbs cəzasına məhkum olunmuş rusiyalıların vəkillərinin apellyasiya şikayətini rədd etmişdir.

Qətərin Apellyasiya Məhkəməsi ölkənin ali məhkəmə instansiyasıdır və onun qərarından sonra rusiyalılar barəsində hökm qəti olaraq qüvvəyə minir. Lakin bu hökmü Qətər əmiri dəyişdirə bilər.

Xatırladaq ki, iyunun 30-da Qətər məhkəməsi Rusiyanın iki vətəndaşına – Z.Yandarbiyevin qətlində əli olmaqda təqsirləndirilən Anatoli Belyaşkova və Vasili Pokşevə ömürlük həbs cəzası kəsmişdir. Qətər qanunlarına görə, məhkumlar üçün ömürlük həbs cəzası 25 ildən sonra başa çata bilər.

QƏTƏR MƏHKƏMƏSİ RUSİYALILARIN VƏKİLLƏRİNİN APELLYASİYASINI RƏDD ETMİŞDİR

MÜƏLLİFLƏ ƏLAQƏ

Bölmənin digər xəbərləri