Qətərdə keçiriləcək dünya çempionatında azarkeşlərin iştirakına icazə veriləcək
Bakı, 2 fevral, AZƏRTAC
2022-ci ildə Qətərdə keçiriləcək futbol üzrə dünya çempionatında azarkeşlərin iştirakına icazə veriləcək.
AZƏRTAC xarici KİV-lərə istinadla xəbər verir ki, bu barədə FIFA prezidenti Canni İnfantino Ümumdünya Səhiyyə Təşkilatının (ÜST) Cenevrədə təşkil olunan mətbuat konfransında həmin vaxtadək koronavirus pandemiyasına qalib gələcəklərini və fanatların matçları izləyə biləcəyini deyib: “Stadionlarımız tam dolu olacaq. Çünki o vaxtadək koronavirusu yenəcəyik və bu virusla yaşamağı öyrənəcəyik. Dünya kubokunun sehrinin bütün insanları yenidən birləşdirəcəyinə inanıram. Olmağımız lazım gələn yerə yenidən qayıdırıq”.
Qeyd edək ki, Qətərin ev sahibliyi edəcəyi dünya çempionatı 2022-ci il noyabr 21-dən dekabrın 8-dək keçiriləcək.
Bölmənin digər xəbərləri
