Qırğızıstanın “Kabar” Agentliyinin saytında Humanitar Forumla bağlı məqalə yerləşdirilib
Müəllif yazır ki, bu Forum xalqlar arasında dialoqun möhkəmlənməsi və inkişafı, yeni ideyalar, fikir mübadiləsi və qarşılıqlı etimadın yaranmasına meydan açır.
T.Karımşakov Forumun dünya birliyini dialoq vasitəsilə xalqlar arasında qarşılıqlı anlaşmaya, humanizmə çağırış olduğunu bildirib, onun nəzəri, praktiki konstruktiv fikirlərin mübadiləsinə platforma yaradığını qeyd edib.
T.Karımşakov 60-a yaxın ölkədən 500-ə yaxın nümayəndənin iştirak etdiyi Forumun açılışında Azərbaycan Prezidenti İlham Əliyevin söylədiyi nitqi xüsusi qeyd edib. O, həmçinin Forum çərçivəsində müasir dövrümüz üçün aktuallıq kəsb edən müxtəlif mövzularda “dəyirmi masa”ların keçirildiyini diqqətə çatdırıb.
Məqalədə Qırğızıstandan da nümayəndə heyətinin iştirak etdiyi IV Bakı Beynəlxalq Humanitar Forumunun əvvəlkilər kimi böyük maraq doğurduğu vurğulanıb.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
