“QIZILAĞAC” PİLOT TƏSƏRRÜFATI GENİŞLƏNİR
Salyan rayonundakı “Qızılağac” pilot təsərrüfatı daha 13 kənddən 106 fermer təsərrüfatını üzv qəbul etmişdir. Pilot təsərrüfatından AZƏRTAC-a demişlər ki, beləliklə, “Qızılağac”da çalışanların sırasına daha 348 ailəni birləşdirən 1500 nəfər qoşulmuşdur. Pilot təsərrüfatının torpaq sahəsi də təqribən 800 hektar artmışdır.
Əsas vergilərdən azad olunan fermerlər ölkədə sahibkarlığın inkişafına göstərilən dövlət qayğısına əkinçilik və heyvandarlıq məhsullarının istehsalını artırmaqla cavab verməyə çalışırlar. Uğurların qazanılmasında Dünya Bankının və Beynəlxalq Valyuta Fondunun verdiyi uzunmüddətli və güzəştli kreditdən məqsədyönlü istifadənin də əhəmiyyəti böyükdür.
Bölmənin digər xəbərləri
