Quba rayonunun Xınalıq kəndinə qaz xətti çəkilir
Bakı, 2 iyul (AZƏRTAC). Azərbaycan Respublikası Dövlət Neft Şirkətinin “Azəriqaz” İstehsalat Birliyi (İB) tərəfindən respublikada qaz təchizatının yaxşılaşdırılması, əhalinin “mavi yanacaq”la itkisiz və keyfiyyətli təminatı məqsədi ilə aparılan işlər uğurla davam etdirilir.
“Azəriqaz” İB-nin ictimaiyyətlə əlaqələr şöbəsinin əməkdaşı Tahir Kazımov AZƏRTAC-a bildirmişdir ki, 2012-ci ilin sonunadək ölkə ərazisinin 90 faizi qazla tam təmin ediləcəkdir. Hazırda ucqar dağ kəndlərinə də qaz xətləri çəkilir. Cari ilin sentyabr ayınadək Quba rayonunun Xınalıq kəndinə də qaz xəttinin çəkilişi başa çatdırılacaqdır.
Bu yaxınlarda Qubanın Qımılqazma və Küsnətqazma kəndlərinə ilk dəfə olaraq “mavi yanacaq” verilmişdir.
Bölmənin digər xəbərləri
