Rasmussen: Amerikalıların əksəriyyəti Kamala Harrisin 2028-ci il seçkilərində namizəd olmasını istəmir
Bakı, 11 dekabr, AZƏRTAC
Amerika seçicilərinin təxminən üçdə ikisi vitse-prezident Kamala Harrisin 2028-ci il seçkilərində Demokratlar partiyasından namizəd kimi irəli sürülməsinə qarşıdır.
AZƏRTAC xəbər verir ki, bunu “Rasmussen” tədqiqat mərkəzinin keçirdiyi ictimai rəy sorğusunun nəticələri sübut edir.
Məlumata görə, sorğuda iştirak edənlərin 61 faizi demokratların seçkilərə başqa namizədlə getməli olduğunu düşünür. Respondentlərin 24 faizi isə Kamala Harrisin yenidən namizədliyini irəli sürməsinin daha yaxşı olacağını bildirir.
Dekabrın 1-dən 3-dək keçirilmiş sorğuda təxminən 1300 potensial amerikalı seçici iştirak edib.
Qeyd edək ki, ABŞ-da noyabrın 5-də keçirilmiş prezident seçkilərində respublikaçı Donald Tramp hakim Demokratlar partiyasının namizədi Kamala Harris üzərində inamlı qələbə qazanıb. Birləşmiş Ştatların hazırkı lideri demokrat Cozef Bayden 2025-ci il yanvarın 20-də dövlət başçısı səlahiyyətlərini xələfinə təhvil verəcək.
Bölmənin digər xəbərləri
