“Real Madrid”in yarımmüdafiəçisi Toni Kros iki həftə meydana çıxa bilməyəcək
Bakı, 8 yanvar, Nicat Məmmədov, AZƏRTAC
İspaniyanın "Real Madrid" klubunun almaniyalı yarımmüdafiəçisi Toni Kros zədə səbəbindən iki həftə yaşıl meydanlardan uzaq qalacaq.
AZƏRTAC xəbər verir ki, həkimlər futbolçuya 10-15 gün idmanla məşğul olmağı qadağan ediblər. Toni Kros İspaniya La Liqasının 18-ci turunda "Real Sosyedad"a qarşı görüşdə 80-ci dəqiqədə əvəzlənmişdi.
T.Kros cari mövsümdə 23 oyunda 1 qol vurub və 5 məhsuldar ötürmə verib.
Madrid klubu hazırda 30 xalla çempionatda beşinci sırada qərarlaşıb. İspaniya çempionatına 40 xalla “Barselona” komandası başçılıq edir.
Bölmənin digər xəbərləri
