Regionlarda işləyən ekologiya işçiləri qanvermə aksiyasında iştirak edirlər
Bakı, 15 aprel, AZƏRTAC
Talassemiya və hemofiliya xəstəliyindən əziyyət çəkənlərə yardım göstərilməsi məqsədilə başladılan aksiyaya, paytaxtda çalışan ekologiya işçilərindən sonra Mingəçevir şəhərində fəaliyyət göstərən ekoloqlar da qoşulublar.
Bu barədə AZƏRTAC-a Ekologiya və Təbii Sərvətlər Nazirliyinin mətbuat xidmətindən məlumat verilib.
Karantin rejiminin tələblərinə əməl etməklə qan xəstəliyindən əziyyət çəkənlərə yardım göstərilməsi üçün başlayan “Könüllü donor” kampaniyasına dəstək verən ekoloqlar, sağlamlığı və yaşı qan verməyə uyğun olan hər kəsi Milli Hematologiya və Transfuziologiya Mərkəzinin Şirvan, Lənkəran, Quba, Şəki, Mingəçevir, Bərdə və Gəncədə fəaliyyət göstərən bölmələrinə müraciət etməyə və bu aksiyaya qoşulmağa çağırıblar.
Bölmənin digər xəbərləri
