Rəqəmsal ödəniş ekosisteminin inkişafı istiqamətində perspektivlərə dair fikir mübadiləsi aparılıb
Bakı, 17 iyul, AZƏRTAC
Azərbaycan Mərkəzi Bankının (AMB) sədr müavini Vüsal Xəlilov ölkəmizdə səfərdə olan Çin Xalq Respublikasının “UnionPay” beynəlxalq ödəniş sisteminin sədr müavini və baş icraçı direktoru Van Lisinin rəhbərlik etdiyi nümayəndə heyəti ilə görüşüb.
AMB-dən AZƏRTAC-a bildirilib ki, görüşdə tərəflər arasında cari ildə imzalanmış anlaşma memorandumu çərçivəsində nəzərdə tutulan təşəbbüslər və həyata keçirilən birgə layihələrin icra statusu, ölkədə rəqəmsal ödəniş ekosisteminin və QR kodəsaslı ödəniş həllərinin inkişafı istiqamətində perspektivlər ətrafında fikir mübadiləsi aparılıb.
Görüşdə, həmçinin tərəfdaşlığın dərinləşdirilməsi və qarşılıqlı inteqrasiya imkanları müzakirə olunub.
Bölmənin digər xəbərləri
