Respublika Qadınlar Cəmiyyətində şəhidlərin xatirəsi anılmışdır
Bakı, 18 yanvar (AZƏRTAC). Respublika Qadınlar Cəmiyyətində 20 Yanvar - Ümumxalq Hüzn Günü ilə əlaqədar şəhidlərin əziz xatirəsi anılmışdır.
AZƏRTAC xəbər verir ki, mərasimdə çıxış edənlər sovet hərbi birləşmələrinin 1990-cı il yanvarın 19-dan 20-nə keçən gecə Bakıda törətdikləri vəhşilikləri, günahsız insanların vəhşicəsinə qətlə yetirildiyini söyləmişlər.
Bildirilmişdir ki, faciədən sonra ulu öndər Heydər Əliyev Azərbaycanın Moskvadakı daimi nümayəndəliyinə gələrək, həmin ağır günlərdə xalqımızın haqq səsini bütün dünyaya çatdırmışdır.
Ulu Öndərin xalqın təkidli tələbi ilə hakimiyyətə qayıdışından sonra 20 Yanvar faciəsinə dövlət səviyyəsində tam siyasi-hüquqi qiymət verilmişdir.
Vurğulanmışdır ki, Ümummilli Liderin siyasi kursunu uğurla davam etdirən Azərbaycan Prezidenti İlham Əliyev ölkəmizin azadlığı, suverenliyi uğrunda həlak olanların xatirəsinə böyük ehtiram və qayğı ilə yanaşır. Azərbaycanın müstəqilliyi və ərazi bütövlüyü uğrunda canlarından keçmiş şəhidlərin ailələri hərtərəfli dövlət qayğısı ilə əhatə olunmuşlar.
Bölmənin digər xəbərləri
