RİNN və ETX yeniyetmələr üçün kibertəhlükəsizlik üzrə təlimlər keçirib
Bakı, 27 noyabr, AZƏRTAC
Rəqəmsal İnkişaf və Nəqliyyat Nazirliyi (RİNN) və Elektron Təhlükəsizlik Xidmətinin (ETX) birgə təşkilatçılığı ilə BMT-nin “Uşaq hüquqları haqqında” Konvensiyasının qəbul edilməsinin ildönümü ərəfəsində təşkil edilən “Uşaq Hüquqları Aylığı” çərçivəsində “Cyber4kids” mövzusunda “İlyas Əfəndiyev adına Elitar Gimnaziya” və “Bakı Avropa Liseyi”ndə təlimlər keçirilib.
Nazirlikdən AZƏRTAC-a bildirilib ki, təlimin keçirilməsində məqsəd 13-17 yaş qrupunda olan uşaqların kibertəhlükəsizlik sahəsində maarifləndirilməsi, onların kibergigiyena qaydaları və fərdi məlumatların mühafizəsi sahəsində məlumatlandırılmasından ibarət olub.
Təlim müddəti ərzində interaktiv tapşırıqlar icra olunmuş və iştirakçıları maraqlandıran suallar cavablandırılıb.
Bölmənin digər xəbərləri
