ROMAN ABRAMOVİÇ MOSKVADA VARLILAR ÜÇÜN XƏSTƏXANA TİKDİRƏCƏK
Yeni müalicə kompleksi Moskvanın cənub-qərbində 3,5 hektardan artıq sahədə tikiləcəkdir. 700 adamın işləyəcəyi klinika eyni vaxtda 400 xəstəni qəbul etmək üçün nəzərdə tutulmuşdur.
Tibb mərkəzinin VİP xəstələri hər birinin sahəsi 67,5 kvadratmetr olan palatalarda qalacaqlar. Hər palatada ayrıca vanna otağı, plazmalı panel quraşdırılmış, internetə çıxışla birlikdə və faks aparatı qoyulmuş yataq otağı olacaqdır. Bütün bunlar biznesmenlərə öz işlərini xəstəxanadan bayıra çıxmadan idarə etməyə imkan verəcəkdir.
Layihənin rəhbərlərindən biri demişdir ki, tikintisi 2007-ci ilin sonunadək başa çatdırılacaq yeni hospital rahatlığına görə beşulduzlu mehmanxanadan geri qalmayacaqdır.
Ekspertlərin hesablamalarına görə, layihənin dəyəri 110 milyon dollardan artıq olacaqdır.
Bölmənin digər xəbərləri
