RSXM əməkdaşları Türkiyədə zəlzələ zamanı həlak olanların xatirəsini yad ediblər
Bakı, 10 fevral, AZƏRTAC
Fevralın 10-da Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin (RSXM) baş direktoru, AMEA-nın müxbir üzvü, professor Qurban Yetirmişli və mərkəzin əməkdaşları Türkiyə Respublikasının Azərbaycandakı səfirliyinin qarşısında qardaş ölkədə fevralın 6-da baş verən zəlzələ zamanı həyatını itirən zəlzələ qurbanlarının xatirəsini yad ediblər.
RSXM-nin İnformasiya şöbəsindən AZƏRTAC-a bildirilib ki, mərkəz kollektivi adından səfirliyin qarşısına əklil qoyulub. RSXM-nin baş direktoru qardaş ölkənin səfirliyinin əməkdaşlarına zəlzələ zamanı həyatını itirənlərlə bağlı başsağlığı verərək, yaralılara tezliklə şəfa tapmağı arzu etdiyini deyib, Azərbaycan xalqının hər zaman qardaş Türkiyənin yanında olduğu bildirilib.
Bölmənin digər xəbərləri
