Rumıniya mediası: Azərbaycanla əməkdaşlıq sayəsində ölkəmiz Avropanın enerji təhlükəsizliyində əsas dayaqlardan birinə çevrilir
Buxarest, 23 may, AZƏRTAC
Rumıniyanın qabaqcıl media orqanları ölkənin Avropanın enerji təhlükəsizliyi sistemində strateji rolunu gücləndirərək Tuzla–Podişor qaz kəməri layihəsini uğurla başa çatdırması barədə məlumat yayıb.
AZƏRTAC xəbər verir ki, bu, 310 kilometrlik infrastruktur layihəsi 500 milyon avro dəyərində olub, Avropa üçün mühüm alternativ enerji marşrutlarının açılmasına xidmət edir.
Qeyd olunur ki, bu qaz kəməri yalnız Rumıniyadan çıxarılan Qara dəniz qazını deyil, Azərbaycan, Türkiyə və Yunanıstan vasitəsilə gətirilən təbii qazın da Avropanın mərkəzinə ötürülməsinə imkan yaradacaq. Beləliklə, Rumıniya özünü regional enerji mərkəzi kimi təsdiqləyir və enerji marşrutlarının şaxələndirilməsində önəmli həlqəyə çevir.
Layihənin ən mühüm xüsusiyyətlərindən biri, Azərbaycan təbii qazının bu yeni arteriya vasitəsilə Avropa bazarlarına çıxışının təmin edilməsidir. “Cənub Qaz Dəhlizi” layihəsi çərçivəsində strateji tərəfdaşlıq səviyyəsinə yüksələn Bakı-Buxarest əlaqələri, bu layihə ilə daha da möhkəmlənir. Rumıniya rəsmiləri, o cümlədən “Transgaz” şirkətinin baş direktoru İon Sterian Azərbaycanın Avropanın enerji təhlükəsizliyindəki rolunu xüsusi olaraq qeyd ediblər.
İ.Sterian bildirib ki, layihə istismara tam hazırdır və iyul ayında rəsmən istifadəyə veriləcək. O deyib: “Məqsədimiz təkcə milli enerji tələbatını ödəmək deyil, həm də Azərbaycan, Türkiyə və digər tərəfdaşlardan gələn qazın etibarlı və dayanıqlı şəkildə Avropaya nəqlini təmin etməkdir”.
Tuzla–Podişor kəməri yalnız texniki nailiyyət deyil, həm də geosiyasi baxımdan vacib hadisədir. Bu marşrut, Rusiyadan enerji asılılığını azaltmaq istəyən Avropa İttifaqı üçün etibarlı alternativ yaradır.
Eyni zamanda, “Transgaz” tərəfindən elan olunan yeni təşəbbüs — Yunanıstandan Ukraynaya mayeləşdirilmiş təbii qazın 25 faizlik endirimli tariflə daşınması planı, Azərbaycan qazının geniş bazara çıxışını daha da asanlaşdıracaq.
Beləliklə, bildirilir ki, Azərbaycanın enerji siyasəti və Cənubi Qafqazda oynadığı rolu, Avropanın enerji xəritəsinin formalaşmasında aparıcı mövqedə dayanmağa davam edir.
İqbal Hacıyev
AZƏRTAC-ın xüsusi müxbiri
Buxare
Bölmənin digər xəbərləri
