RUMINİYA MİLLİ BAYRAĞINI DƏYİŞMƏYƏCƏK
Xarici İşlər Nazirliyi də bəyan etmişdir ki, Rumıniya sənaye mülkiyyətinin qorunması haqqında Paris Konvensiyasında nəzərdə tutulan qeydiyyat prosedurunu 1997-ci ildə yerinə yetirmişdir. Nazirlik həmçinin bildirmişdir ki, nəzərdə tutulan bir il müddətində bu qeydiyyatla əlaqədar hər hansı iddia verildiyi barədə məlumata malik deyildir. Bundan başqa, Rumıniya XİN həmin məsələnin BMT-nin müzakirəsinə verildiyi barədə Çaddan heç bir rəsmi xəbərdarlıq almayıbdır.
Bu iki dövlətin bayraqları hələ 1989-cu ildə, Rumıniyada diktator Nikolaye Çauşeskunun devrildiyi, yeni hökumətin isə bayrağın mərkəzindəki kommunist rəmzinin çıxarılmasını qərara aldığı vaxtdan eyni cür olmuşdur. Hər iki bayraq göy, sarı və qırmızı rəngli üç şaquli zolaqdan ibarətdir. Lakin bəzi ekspertlərin fikrincə, Çad bayrağındakı göy rəng daha tünddür.
Bölmənin digər xəbərləri
