Rumıniyanın Baş naziri Aİ-ni Rusiya qazından tamamilə imtina etməyə çağırıb
Bakı, 16 sentyabr, AZƏRTAC
Rumıniyanın Baş naziri Marsel Ciolacu “Der Standart”a müsahibəsində Avropa İttifaqı (Aİ) ölkələrini Buxarestdən nümunə götürərək, Rusiya qazı və digər məhsulların alınmasından tamamilə imtina etməyə çağırıb.
AZƏRTAC xəbər verir ki, Baş nazir belə bir addım atılmasının vacibliyini qeyd edib. “Çünki itirdiklərimiz, yəni rahatlıq ilə Ukraynada baş verənlər arasında çox böyük fərq var”, - o bildirib.
Baş nazir Rusiya qazının Avstriyaya tədarükünün davam etdirilməsini dəstəkləməyib. “Mən inanıram ki, qaz qiymətləri müəyyən müddət ərzində daha yüksək olsa belə, Aİ Rusiya qazından imtina etməklə tam müstəqil olmağa hazırlaşır”, - o, fikrini yekunlaşdırıb.
“Financial Times” yazıb ki, Qərb ölkələrinin 2027-ci ilə qədər Rusiyanın enerji resurslarından imtina etmək istəyinin əksinə olaraq, Avropa ölkələri 2023-cü ildə Rusiyadan rekord həcmdə mayeləşdirilmiş təbii qaz (LNG) idxal etmək niyyətindədir. Yanvar-iyul aylarında İtaliya və İspaniya bu növ yanacağın alış həcminə görə Avropada lider olublar. Ümumilikdə Rusiya Aİ-yə LNG tədarükü üçün 5,29 milyard avro əldə edib və ixrac həcmi 2022-ci ilin eyni dövrü ilə müqayisədə 40 faiz artıb.
Bölmənin digər xəbərləri
