RUSİYA FUTBOL MEYDANLARINDA XTMD VƏ MİLİSLƏR OLMAYACAQ
AZƏRTAC Rusiya KİV-lərinə istinadla xəbər verir ki, yeni futbol mövsümündə ölkənin stadionlarında oyunlar zamanı xüsusi təyinatlı milis dəstələri və xidməti itlərlə keşik çəkən milislər olmayacaqdır. Futbol yarışları zamanı asayişi qorumaq üçün cəlb ediləcək milislərin və hərbi qulluqçuların sayı da azaldılacaqdır. İndi tribunalarda azarkeşlərin davranışına futbol klublarının təhlükəsizlik xidmətləri nəzarət edəcəklər. Bu qərar Rusiya Daxili İşlər Nazirliyi, Rusiya Futbol İttifaqı, Peşəkar Futbol Liqası komandalarının, habelə azarkeş klublarının rəhbərlərinin iştirakı ilə keçirilmiş “dəyirmi masa”da qəbul edilmişdir.
Hüquq mühafizə orqanlarının məlumatına görə, indiyədək yüksək liqanın bir oyununa 500-dən 2 minədək milis nəfəri cəlb olunurdu. Onlar oyun günü birbaşa xidməti vəzifələrinin yerinə yetirilməsindən ayrılırdılar ki, bu da asayişin vəziyyətinə təsir göstərməyə bilməzdi.
Bölmənin digər xəbərləri
