Rusiya gündəlik neft hasilatını 500 min barel azaldacaq
Moskva, 10 fevral, AZƏRTAC
Rusiya mart ayında gündəlik neft hasilatını 500 min barel azaldacaq.
AZƏRTAC xəbər verir ki, bu barədə jurnalistlərə Rusiya Federasiyası hökuməti sədrinin müavini Aleksandr Novak məlumat verib.
O bildirib ki, Rusiya hazırda hasil etdiyi nefti tam həcmdə satır. Lakin qiymət məhdudiyyətinə əməl edən ölkələrə neft satmaqdan imtina etdiyi üçün mart ayında könüllü surətdə hasilatı 500 min barel azaldacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
