RUSİYA GÜRCÜSTANA XƏBƏRDARLIQ EDİR
Bəyanatda bildirilir ki, “rəsmi Tbilisi eşidilməmiş addım ataraq, Abxaziya sahillərində görünəcək “bütün gəmilərə atəş açmaq və onları batırmaq”la hədələmişdir. Bu xəbərdarlıq Soçidən Yeni Afona və Suxumiyə dəniz yolu ilə ekskursiyaya gedən Rusiya turistlərinə də ünvanlanmışdır”.
Sənəddə deyilir: “Bu cür bəyanatlar göstərir ki, Tbilisi müasir dünyanın yaşadığı reallıqlar barədə təsəvvürünü itirməyə başlayır. Görünür, bu, ona görə baş verir ki, orada öz siyasətini və planlarını, silahsız mülki gəmilər də daxil olmaqla, ancaq güc tətbiq etmək və güc işlətməklə hədələmək əsasında qururlar. Beynəlxal hüquq normalarına görə, əgər bu cür əməllər həyata keçirilərsə, onlar öz ağır nəticələri ilə birlikdə düşmənçilik hərəkəti kimi qiymətləndirilə bilər”.
Rusiya tərəfi xəbərdarlıq edir ki, “ziyan vurmaq üçün, xüsusən də, Rusiya vətəndaşlarının həyatına qəsd etmək üçün göstərilən hər hansı cəhdlər lazımi cavabını alacaqdır”.
Bölmənin digər xəbərləri
