RUSİYA İRANA HAVA HÜCUMUNDAN MÜDAFİƏ KOMPLEKSƏLƏRİ SATMAĞA HAZIRDIR
S.İvanov almaniyalı həmkarı Frants-Yozef Yunq ilə Sankt-Peterburqda keçirilmiş görüşündə demişdir ki, müqavilə artıq imzalanmışdır və onun yerinə yetirilməsi üçün müəyyən vaxt lazımdır. Onun sözlərinə görə, Rusiya Venesuela ilə də hərbi-texniki əməkdaşlığı davam etdirəcəkdir. İvanov vurğulamışdır ki, Venesuelaya silah göndərilməsinə heç bir beynəlxalq hüquqi məhdudiyyət qoyula bilməz. Əlbəttə, söhbət adi silahlardan gedir.
Xatırladaq ki, ABŞ İrana və Venesuelaya istənilən müasir silahların satılmasının əleyhinədir və bu ölkələrin hakim rejimlərini terrorizmi dəstəkləməkdə təqsirləndirir.
“Top-M1” hava hücumundan müdafiə kompleksi qanadlı raketlərdən, idarə olunan aviabombalar, təyyarələr, vertolyotlar və pilotsuz aparatlardan səmərəli müdafiəni təmin edir. Kompleksə döyüş və nəqliyyat-doldurma maşınları, texniki təminat və təmir vasitələri daxildir.
Bölmənin digər xəbərləri
