Rusiya iş patentlərinin vaxtının uzaldılmasına dair məhdudiyyəti aradan götürür
Moskva, 16 aprel, AZƏRTAC
Rusiya Dövlət Duması koronavirus pandemiyası ilə əlaqədar vətənə dönə bilməyən miqrantların iş icazəsinin və patentlərinin vaxtının uzadılmasına icazə verən qanun layihəsini birinci oxunuşda qəbul edib.
AZƏRTAC xəbər verir ki, qanun layihəsi Rusiya ilə vizasız gediş-gəlişi olan ölkələrdən olan əcnəbilərə iş patentlərinin vaxtını Rusiyanı tərk etmədən uzatmaq imkanı verir. Hazırkı qaydalara əsasən, əcnəbilərə patent bir aydan 12 ay müddətinədək vaxtını bir dəfə uzatmaq hüququ ilə verilir.
Qeyd edək ki, hazırda Rusiyada patentlə işləyən 1,6 milyon əmək miqrantı var.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
