RUSİYA PREZİDENTİ HÖKUMƏTİN YENİ TƏRKİBİNİ ELAN ETMİŞDİR
Beləliklə, Xarici İşlər Nazirliyinə indiyədək Rusiyanın BMT-də nümayəndəsi olmuş Sergey Lavrov başçılıq edəcəkdir. Əvvəlki nazir İqor İvanov isə RF Təhlükəsizlik Şurasının katibi vəzifəsini tutacaqdır. Sergey İvanov müdafiə naziri vəzifəsində qalır. Viktor Xristenko yeni nazirliyə - Sənaye və Energetika Nazirliyinə (buraya atom energetikası və tikinti də daxildir) başçılıq edəcəkdir. German Qref iqtisadi inkişaf və ticarət naziri vəzifəsində qalır. Aleksey Kudrin maliyyə naziridir. Daxili İşlər Nazirliyinə indiyədək bu qurumun başçısı vəzifəsini yerinə yetirən Rəşid Nurqaliyev rəhbərlik edəcəkdir. Hökumət Aparatının rəhbəri Dmitri Kozak (nazir səviyyəsində) olacaqdır. Sergey Şoyqu mülki müdafiə və fövqəladə hallar naziri vəzifəsində qalır.
Nəqliyyat və rabitə nazirlikləri birləşdirilmişdir və yeni quruma İqor Levitin başçılıq edəcəkdir. Mədəniyyət Nazirliyi Mədəniyyət və Kütləvi Kommunikasiyalar Nazirliyinə çevrilmiş və Aleksandr Sokolov nazir təyin olunmuşdur. Andrey Fursenko təhsil və elm, Aleksey Qordeyev isə kənd təsərrüfatı və balıqçılıq naziri vəzifələrini tutacaqlar.
Bölmənin digər xəbərləri
