RUSİYANIN DEMOQRAFİK VƏZİYYƏTİ
AZƏRTAC xəbər verir ki, Rusiya Federal Statistika Komitəsinin məlumatına görə, ölkə əhalisinin sayı 2006-cı ilin yanvar-avqust ayları ərzində 408,2 min nəfər və ya 0,29 faiz azalmış və sentyabrın 1-nə olan vəziyyətə görə 142,3 milyon nəfər olmuşdur. Rusiyada 2006-cı ilin yanvar-avqust aylarında, demək olar, bir il bundan əvvəlki qədər, yəni 980 mindən artıq uşaq doğulmuş, 1 milyon 475 min nəfər ölmüşdür. Bütövlükdə ölkə üzrə ölənlərin sayı doğulanların sayından 1,5 dəfə artıq olmuşdur, həm də RF-nin 19 subyektində bu nisbət 2-2,7 dəfə təşkil etmişdir.
Rusiyada işsizlik də bir qədər azalır. 2006-ci ilin sentyabrında Rusiyada işsizlərin ümumi sayı 5,29 milyon nəfərə enmişdir ki, bu da iqtisadi baxımdan ölkənin bütün fəal əhalisinin 7,1 faizini təşkil etmişdir. 2005-ci il sentyabrın sonu ilə müqayisədə Rusiyada işsizlərin ümumi sayı 2,8 faiz, rəsmən qeydiyyata alınanların sayı isə 3,4 faiz azalmışdır.
Bölmənin digər xəbərləri
