Rusiyanın Kuban vilayətinə dron hücumu zamanı 3 nəfər ölüb
Moskva, 3 avqust, AZƏRTAC
Rusiyanın Krasnodar diyarının Gelencik kurort şəhərinin Arxipo-Osipovka kəndinə dron hücumu nəticəsində üç nəfərin öldüyü bildirilir.
AZƏRTAC xəbər verir ki, bu barədə Kuban vilayətinin qubernatoru Veniamin Kondratyev məlumat verib.
Onun sözlərinə görə, dron hücumu zamanı 13 nəfər, o cümlədən bir neçə uşaq yaralanıb. Onların hamısına lazımi tibbi yardım göstərilir.
Qubernator qeyd edib ki, vurulan dron qalıqlarının təsir etdiyi yerlərdə təcili yardım və xüsusi xidmət orqanları işləyir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
