SAATLI RAYONUNDAKI AQROSERVİSİN MADDİ-TEXNİKİ BAZASI GENİŞLƏNDİRİLMİŞDİR
Bakı, 11 fevral (AZƏRTAC). Azərbaycan Prezidenti İlham Əliyevin “Kənd təsərrüfatı məhsulları istehsalçılarının toxum, gübrə və damazlıq heyvanlar ilə təmin edilməsinə əlavə dəstək verilməsi barədə” Sərəncamı Saatlı rayonunda uğurla həyata keçirilir.
“Aqrolizinq” ASC rayonda torpaq mülkiyyətçiləri üçün maddi-texniki bazanın möhkəmləndirilməsi və aqrotexniki xidmətlərin göstərilməsində yaxından iştirak edir. Rayon aqroservis bazasının rəisi Şakir Həsənov bildirmişdir ki, “Aqrolizinq” xətti ilə son illərdə Rusiya və Yaponiya istehsalı olan yeni avadanlıq gətirilmişdir. Kənd təsərrüfatı məhsulları istehsalçıları bundan sonra texnika sarıdan korluq çəkməyəcəkdir. İndiyədək 108 yeni texnika, o cümlədən 70 kombayn alınmışdır. Bu qurum ətraf rayonlarda aqrar sahədə fəaliyyət göstərən sahibkarların sifarişləri əsasında əkin, səpin, becərmə, gübrələrin gətirilməsi, məhsulun müasir texnologiyaya uyğun yetişdirilməsi işlərində onlara kömək göstərir.
Hazırda Azərbaycana Rusiyadan azot, fosfor, kalsium qarışığından ibarət nitroamofoska gübrəsi gətirilmişdir ki, bu da məhsuldarlığı artırır. Son iki ildə Saatlı rayonunda 48-50 min hektar əkin sahəsinin 21 hektarı payızlıq sahə kimi əkilmişdir.
Bölmənin digər xəbərləri
