Sabiq yüksəkrütbəli britaniyalı məmur: Növbəti 20 ili dövlətlərarası münaqişələr müəyyən edəcək
London, 25 may, AZƏRTAC
Böyük Britaniya Nazirlər Kabinetinin sabiq katibi və dövlət qulluğu rəhbəri Saymon Keys növbəti 20 ilin dövlətlərarası münaqişələrlə müşayiət olunacağını bildirib.
AZƏRTAC xəbər verir ki, o, bu barədə “The Times” qəzetinə müsahibə verib. Saymon Keys müsahibəsində hazırda daim patrulda olan sualtı qayıqlarda yerləşdirilən, ölkənin nüvə yayındırıcılığının istifadəsi üçün yeni buraxılış üsullarının hazırlanmasının vacibliyini vurğulayıb. O, nazirləri bu sahədə alternativ sistemləri inkişaf etdirməyə çağırıb. Saymon Keys təkcə bir sistemə etibar etməyin riskli olduğunu deyərək, quru və ya hərbi təyyarələrdən atıla bilən raketlərin də nəzərdən keçirilməsinin vacibliyini bildirib.
Dörd baş nazir dövründə dövlət qulluğunun rəhbəri kimi fəaliyyət göstərmiş Saymon Keys dünyada artan qeyri-sabitliyi nəzərə alaraq qarşıdakı 10, bəlkə də 20 ilin dövlətlərarası qarşıdurmalarla keçəcəyini deyib. O, Qərb dövlətlərini vaxt itirmədən təhlükələrə qarşı hazırlıqlı olmağa çağırıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
