“ŞAHDƏNİZ”DƏN İLK QAZ BU İL SENTYABRIN 30-DA HASİL EDİLƏCƏKDİR
Sahildən 70 kilometr uzaqda, dərinliyi 50-250 metr arasında, sahəsi 250 kvadratkilometr olan yataqda çıxarıla bilən qaz ehtiyatı 22,1 trilyon kubfut, kondensat ehtiyatı isə 750 milyon barrel təşkil edir. Yatağın daha dərin horizontlarında da zəngin karbohidrogen ehtiyatı mövcuddur.
Yataqdan hasil edilən mavi yanacağın əsas hissəsi 690 kilometrlik Cənubi Qafqaz boru kəməri ilə dünya bazarlarına ixrac olunacaqdır. Kəmərin Azərbaycan və Gürcüstan ərazilərindən keçən hissəsinin tikintisi tamamlanmış və mavi yanacaqla doldurulmuşdur. Hazırda Türkiyə hissəsində tamamlama işləri aparılır.
