Şair-publisist Rəşad Məcidin gürcü dilində şeirlər toplusu işıq üzü görüb
Bakı, 28 may, AZƏRTAC
Şair-publisist Rəşad Məcidin gürcü dilində şeirlər toplusu işıq üzü görüb.
AZƏRTAC xəbər verir ki, “İverion” nəşriyyatında çap edilən kitab “Tbilisi yağışı” adlanır. Kitabı orijinaldan gürcü dilinə tanınmış azərbaycanlı yazar-tərcüməçi İmir Məmmədli çevirib.
İmir Məmmədli həm də kitabın “Ön söz” müəllifidir. O, R.Məcidi gürcüdilli oxuculara belə təqdim edir: “Müasir Azərbaycan ədəbiyyatının görkəmli nümayəndəsi - şair, nasir və publisist Rəşad Məcid çoxlu kitab müəllifidir. Onun şeirləri və hekayələri dünyanın bir çox dilinə tərcümə edilib. Bu əsərlərdə əsas cəhət yeni deyim tərzi və müasir aləmin nəbzinə uyğun intonasiyadır...”
Xatırladaq ki, “Tbilisi nəğmələri” müəllifin xaricdə (İtaliya, Türkiyə, Gürcüstan) çıxan üçüncü kitabıdır. Ümumilikdə isə 10-dan çox şeir kitabı nəşr edilib.
Bölmənin digər xəbərləri
