ŞAMAXIDA KARTOFÇULUĞA MARAQ BÖYÜKDÜR
Şamaxı rayonunda torpaq mülkiyyətçiləri kartof əkininə başlamışlar.
Rayon icra hakimiyyətinin aqrar şöbəsindən AZƏRTAC-ın müxbirinə bildirmişlər ki, son illər təsərrüfatın bu gəlirli sahəsinə maraq xeyli artmışdır.
Bu il əkin sahələrinin 650 hektara çatdırılacağı gözlənilir. Kartofçuluğa daha çox maraq göstərilən Çuxuryurd, Nağaraxana, Qızmeydan, Dədəgünəş və digər kəndlərdə əkin daha mütəşəkkil aparılır. Torpaq mülkiyyətçiləri əkini aprelin sonunadək başa çatdıracaqlar.
Xatırladaq ki, ötən il rayonda 4 min 533,4 ton kartof istehsal olunmuşdur. Bu da inişilki göstəricidən 2,9 ton çoxdur.
Bölmənin digər xəbərləri
