Şamaxıda Xocalı soyqırımının ildönümü ilə əlaqədar anma mərasimi keçirilmişdir
Şamaxı, 26 fevral (AZƏRTAC). Şamaxı rayon Mədəniyyət evində Xocalı soyqırımının 21-ci ildönümü münasibətilə anma mərasimi keçirilmişdir.
AZƏRTAC xəbər verir ki, mərasimə toplaşanlar ilk öncə Şamaxı məktəblilərinin yağlı boya ilə çəkdikləri 64 rəsmdən ibarət sərgiyə baxmışlar.
Sonra Xocalı soyqırımı ilə bağlı məruzə və çıxışlar dinlənilmişdir.
Natiqlər Prezident İlham Əliyevin uğurlu siyasəti və gərgin səyi ilə Xocalı soyqırımı barədə əsl həqiqətlərin dünya ictimaiyyətinə çatdırılması sahəsində uğurları diqqətə çatdırmışlar.
Anım mərasimində Xocalı soyqırımına həsr edilmiş film göstərilmiş, rayonun mədəniyyət işçilərinin ifasında ədəbi-bədii kompozisiya nümayiş etdirilmişdir.
Bölmənin digər xəbərləri
