SAPSAN QUŞU AZADLIĞA BURAXILMIŞDIR

29.12.2005 [18:22]
Çap et
A⁺ A^-

BMT Baş Məclisinin qərarı ilə dekabrın 29-u Beynəlxalq biomüxtəliflik günü elan edilmişdir. Azərbaycanda bu gün şahinkimilər nəslindən olan və respublika “Qırmızı kitabı”na daxil edilmiş sapsan quşunun Abşeron Milli Parkından azadlığa buraxılması ilə qeyd olunmuşdur.

Ekologiya və Təbii Sərvətlər Nazirliyinin mətbuat xidmətindən AZƏRTAC-ın müxbirinə bildirmişlər ki, Pirallahı qəsəbəsinin sakini Y.Qocayeva həmin quşu 2003-cü ildə yaralı vəziyyətdə tapmışdı. Nazirliyin ətraf mühitin mühafizəsi departamentinin əməkdaşları hadisəni sənədləşdirmiş və quş müalicə üçün ixtisasca ornitoloq olan həmin xanıma qaytarılmışdır. Ekoloqlar sapsanın tam sağlam olduğu barədə qərar çıxardıqdan sonra quş azadlığa buraxılmışdır.

SAPSAN QUŞU AZADLIĞA BURAXILMIŞDIR

MÜƏLLİFLƏ ƏLAQƏ

Bölmənin digər xəbərləri