Sarayevo məktəblərində bomba təhlükəsi ilə bağlı saxta xəbərdarlıqlar edilib
Sarayevo, 29 mart, AZƏRTAC
Bosniya və Herseqovinanın paytaxtı Sarayevo şəhərində bir çox məktəbdə bomba təhlükəsi ilə bağlı xəbərdarlıq olunub.
AZƏRTAC xəbər verir ki, Sarayevo Kantonunun Daxili İşlər Nazirliyinin məlumatına görə, bir çox məktəbə bomba qoyulduğuna dair elektron poçt vasitəsilə məlumat daxil olub. Həmin məktəblərdə tədris dayandırılıb və şagirdlər evlərinə göndərilib. Məsələ ilə bağlı lazımi tədbirlər görülüb, prokurorluq məlumatlandırılıb.
Polisin məktəblərdə ətraflı araşdırmalar aparmasından sonra bomba təhlükəsi ilə bağlı xəbərdarlıqların saxta olduğu müəyyən edilib.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
