İQTİSADİYYAT
SAXSI QABLAR ISTEHSALI BƏRPA OLUNUR
Müəyyən fasilədən sonra Saxsı qablar səhmdar cəmiyyətində kütləvi məhsul istehsalı üçün son hazırlıq işləri başa çatdırılmışdır. Sentyabrın ilk günlərində müəssisənin bütün istehsal sahələri əvvəlki kimi ahəngdar işləyəcəkdir.
Sex və sahələrdə istehsal texnologiyasının təkmilləşdirilməsi, məhsulların dizaynının və keyfiyyətinin yüksəldilməsi ilə bağlı görülən işlər başa çatmışdır. Burada ənənəvi məhsullarla yanaşı, soyuducular üçün saxsı qabların, piyalə, fincan və mətbəx dəstlərinin kütləvi istehsalı nəzərdə tutulur. Mütəxəssislər daxili bazarda bu məhsullara daha çox tələbat olduğunu müəyyən etmişlər.
Müəssisə ticarət təşkilatları ilə əlaqələrini bərpa etmiş, yeni sifarişlər almışdır.