“Səbail” klubu argentinalı müdafiəçi Fakundo Kardozonu transfer edib
Bakı, 14 iyul, AZƏRTAC
Bakının “Səbail” klubu heyətini yeni futbolçu ilə gücləndirib.
AZƏRTAC xəbər verir ki, paytaxt klubu argentinalı müdafiəçi Fakundo Kardozonu transfer edib.
Bu barədə klubun mətbuat xidməti məlumat yayıb. İyirmi yeddi yaşlı futbolçu ilə birillik müqavilə imzalanıb.
Fakundo Kardozo peşəkar karyerasına “Veles Sarsfild” klubunda başlayıb. Son olaraq “Platense”də çıxış etmiş futbolçu, “Bolivar”, “Mumbay Siti”, “Arsenal de Sarandi”, “Alebrixes de Oaxaka”, “Kokimbo Unido” və “Oll Boys” kimi komandalarda da forma geyinib.
Bölmənin digər xəbərləri
