“Səbail” klubu Mahmud Qurbanovla ikiillik müqavilə imzalayıb
Bakı, 26 may, AZƏRTAC
Bakının “Səbail” futbol klubunun yeni baş məşqçisi müəyyənləşib.
AZƏRTAC klubun rəsmi saytına istinadla xəbər verir ki, “Səbail”in Müşahidə Şurasının qərarı ilə komandanı Mahmud Qurbanov çalışdıracaq. Qırx doqquz yaşlı mütəxəssislə 2023/2024-cü il mövsümünün sonunadək müqavilə bağlanıb.
Qeyd edək ki, M.Qurbanov 2018-ci ildən “Neftçi”nin əvəzedici heyətinin baş məşqçisi vəzifəsində çalışıb. 2020/2021-ci il mövsümündə əvəzedici komandada I Divizionun qalibi olub.
Bölmənin digər xəbərləri
